前社工郭家輝 訴說7種NGO機構同社工分別
經過呢幾年嘅後社工生涯，接觸多咗NGO工作，覺得雖然同社工十分相似，但都想講講唔同NGO機構嘅性質，等有心人想入行之前有參考。 法律及經濟援助：目的係為有需要嘅人士提供法律諮詢服務及經濟援助申請，亦希望可以為服務對象爭取權益，服務對象如：婦女、單親人士、被遺棄的兒童，或者是不幸因工受傷嘅僱員等。 例子：香港兒童權利委員會、香港婦女中心協會、職安培訓復生會有限公司 健康/保健/衛生：目的係為受不同疾病困擾或有健康問題嘅服務對象，例如發育遲緩嘅兒童、殘疾人士、腦退化症病患者等等， 提供醫療支援，包括社區支援服務和復康服務，並透過教育市民，以加深大眾對相關疾病的認識。 例子：香港傷健協會、高錕慈善基金有限公司、香港盲人輔導會 康樂文娛：透過舉辦教育、體育、藝術及文化等不同的活動，致力支持及促進社會大眾嘅身心發展，令大家在社會上共同成長和前進。 例子：香港少年領袖團、香港家庭福利會、乘風航 保護動物：關注動物權益和福利，亦肩負起教育大眾的工作，以加深大家對動物的認識和尊重。 例子：香港愛護動物協會、保護遺棄動物協會、亞洲動物基金 環境關注：站在保護地球的最前線，推廣有關社會環境的議題，向大眾宣揚有關環境保護的重要訊息。 例子：香港地球之友、綠色力量、環保觸覺 宣揚宗教：致力闡揚宗教信仰和相關文化，本着宗教精神服務社會。 每個NGO有自己獨特嘅語言 就好似唔同公司有自己嘅文化一樣，每間NGO都有自己獨特嘅文化。根據我自身嘅觀察，大部分都係同幫助別人、Nice呢啲字眼有關。咁正常呢啲文化有咩唔好？因為唔係每個入行嘅人都有咁positive嘅性格，以往亦可能任職商業機構、細公司等，未必可以接受每一日都一齊圍爐食飯。而且有時可能會一個月一次全部人一齊食飯，言語間大家都係一家人、有宗教信仰嘅同事亦會將感謝神掛喺口邊。呢啲情況唔係一件壞事，但我亦有必要將NGO呢啲文化同大家講講，等想入行嘅人士有心理準備！要入果一間NGO工作，就要諗諗係唔係可以接受該間NGO的語言。