十九年社工玩轉職
呢個係一個做咗十九年社工嘅網誌網站，分享過往社工嘅秘辛同埋而家轉職後，點樣喺其他界別無忘幫助弱勢嘅初心。
以前啲人成日叫我社工郭家輝
我係呢個網誌博主，點解改個名做漂流社工郭家輝？原因就係希望雖然離開咗社工呢個崗位，但仍然帶住當初做社工嘅理念同經驗繼續探索更多幫助弱勢嘅可能性！希望藉住呢個網站同大家分享關於社工同現時為NGO界別工作的經歷。
做社工嘅無奈
社工其實有好多種，大家可能以為社工好嘆坐冷氣，搞下文件又一day。但其實成日都要睇住D事發生無能為力，而自己又要識得調節。最多講句「公平咩？」
有求於人仲惡釃?
好多求助人認為社工係配合角色，如果語言不通反而叫社工要配合轉channel, 甚至會鬧爆。 自己文件無帶齊仲會屈番轉頭話係社工無交帶清楚。有時啲嘢真係幫唔到，例如拎銀行信咁，牽涉私隱問題嘅嘢要求助人自己做返，做咗咁多年都為同業感到唏噓。
今日申請聽日催
申請綜援同公屋，本身需時較長，但求助人都唔會理以十年計嘅等待時間，總之今日申請完聽日就過嚟催。要知道批唔批，幾時批都唔到社工話事。仲要話自己好趕……
穿金戴銀申請綜援
社工本身應該係幫人，幫有需要嘅人。但偏偏又有求助人自動講係外地有好多物業，又炒賣又收租咁。有冇諗過咁樣其實會好影響社工工作士氣？完全係帶住矛盾完成工作！
社工分幾多種？
社工大家聽得多，但其實本身都分為幾個唔同範疇，唔同範疇嘅工作性質都唔一樣，有興趣投身呢行嘅朋友仔，就要留意下以下幾個社工界別，有邊一樣先係你感興趣嘅？作為過來人可以同您講，社工工作係好需要個人熱誠先可以維持落去，坦白講高薪厚職嘅社工職位唔洗諗，一睇就會知道係邊一範，但您係唔係應該問一問自己，呢個工作係唔係自己想做？
駐校社工
1. 提供意見，協助學校制定輔導政策
2. 協助有嚴重情緒及行為問題嘅學生，以免妨礙佢哋嘅學業同個人發展。
3. 處理受家庭問題（例如虐兒、父母婚姻破裂、親子關係惡劣同埋喪失親人等問題）困擾嘅學生。
4. 協助學生解決主要由生活環境所造成嘅問題，包括染上毒癮、參與朋黨或黑社會活動、離家出走、住宿及財政困難等等。
5. 出席及主持個案會議，同學校行政人員同埋有關嘅專業人員，例如教育心理學家，共同研究個案。
6. 如有需要，駐校社工可以將個案轉介校外機構，由機構嘅專業人員協助處理。
7. 協助策劃同埋推行預防性及發展性嘅活動。
8. 出席家長教師會會議，就加強家校合作提供意見及支援。
9. 策劃、組織同舉辦家長培訓課程。
醫務社工
醫務社工主要為病人同佢哋嘅家屬提供適時嘅心理社會輔導及實物援助，協助佢哋處理或者解決因疾病、創傷或殘疾而引起嘅問題。
1. 社會心理評估
評估病人的心理及社會狀況；例如社會對病情的接納，因疾病而引致的照料、經濟、居住、就業等問題。
2. 情緒輔導
醫務社工為患病的病者進行輔導，減少因疾病引起的情緒、家庭照顧、人際關係等問題。
3. 安排實質援助
例如申請經濟援助、體恤安置、家居照顧、醫療用品、為弱能人士及長者申請暫托服務及院舍照顧服務、就業輔導等。
4. 離院計劃
為病人訂定可行及安全的出院計劃，並提供跟進。
5. 團隊工作
跟醫護人員合作，令佢哋更了解病人嘅心理需要，提供優質服務。
外展社工
外展社工會主動走到社區上嘅球場、公園、遊行機中心、速食店同網吧等青少年鍾意聚集嘅地方，結識佢哋，然後為有需要嘅青少年提供輔導。
1. 協助青少年，提升佢哋嘅正向元素，了解佢哋發展條件。
2. 協助青少年探索自身的優勢及能力，並有以優化和運用。
3. 加強青少年在各種發展上的理解和分析力。
4. 發掘及培養青少年本身的獨特性和能力。
社會福利署社工
社會福利署社工職責範圍廣闊，而社署社工職責可能涉及：
– 監管慈善籌款活動
– 處理津貼
– 違法者服務
– 家庭及兒童福利服務
– 青少年服務
– 康復服務
– 安老服務
– 社區發展等等。
前社工郭家輝話你知，想幫人唔一定要做社工
因為已經離開社工行業一段日子，更加想分享讀social work唔一定只有做社工一條路！亦唔係只係得社工先幫到人！例如我亦都由社工行業轉到做NGO相關工作，而我可以同大家講工作帶來嘅意義唔同比社工少。
幾條問題問自己，想做邊一個範疇？
社工又好，就算NGO（非政府組織）都好，類型亦五花八門，正式做決定前，要考慮以下這些問題：
- 有冇咩群體特別想服務？（例如長者、兒童、青少年）
- 有冇咩機構特別想加入？（例如政府、大型社福機構或慈善團體）
- 想處理文件多啲定係對人？
- 想留在辦公室多啲定係外展工作？
NGO 壓力比社工細，有更多合作空間
就好似我有一位同事都係前社工。展轉到NGO工作，服務嘅對象係學前兒童，佢覺得前小朋友吸收力強。即使小朋友因為言語問題而困擾，阻礙發展，都可以靠自己吸收能力同努力得到改善。而呢份進步、小朋友喺言語上改善都係我同事得到滿足感嘅泉源。而且NGO比起其他機構，倒閉風險低，亦不易被解僱，機構亦會提供培訓，相對會有更多見識。唯一明顯嘅缺點就係起薪點低於私人機構，當然亦會有其他狀況(下方內文會提及)，不過NGO工作會跟不同群體合作，好似我的同事就會跟治療師及幼教老師合作，為學生度身訂造個別學習計劃，而不是單單言語治療部分。
NGO 唔等於風流工 – 漂流社工郭家輝
喺呢度想同大家分享返，好似我咁社工做咗好多年，都會想轉換下環境。唔少人都會考慮轉職NGO，以為可以Hea下，或者幫自己回下，但呢個美夢可能唔會成真！NGO嘅工作同其他商業機構其實差唔多！工作範圍跟您的職位相襯，試想想唔通你收取不俗嘅人工，公司會因為係NGO而放過你嗎？當時呢個係誇張嘅講法，不過作為NGO，資源其實更少。因此資源要用得其所，一個崗位嘅員工可能要擔當更多的職務，而且工作本身都會有壓力，所以並不會話NGO就比較輕鬆。如果要入行NGO，亦都唔好帶住呢種諗法。